Кружевная рыбка со шлейфом.
Платье расшито вручную хрусталем, бисером, стеклярусом, жемчугом.

Алисия

    一般問題

    1.1 租車條件


    响我地公司租車必須符合以下條件: 1)年滿 18歲或以上,持有有效嘅身份證文件同駕駛執照; 2)近三年内無任何酒精或毒品相關嘅違例記錄; 3)近三年内無任何危險駕駛等嚴重違例駕駛記錄。




    1.2 租車要提供咩資料?


    1)你需要提供有效嘅駕駛執照,並將證明文件包括身份證同埋最近三個月嘅地址證明提供俾我地公司嘅職員同你登記 & 預訂,就可以租到我地嘅車啦! 2)如果你係屬於訪港旅客(即抵達香港,但响香港居住唔超過十二個月嘅人士)可以憑所持有嘅有效身份證明文件、最近三個月係香港嘅地址證明同埋海外駕駛執照或國際駕駛許可證同你登記 & 預訂,咁就可以租到我地嘅車啦!




    2.1 點預訂租車服務?


    1)你可以透過我地嘅網頁 https://www.autobright.com.hk 進行預訂,入到去跟指示進行預訂,就係咁簡單。 2)又或者你可以用 WhatsApp: (+852) 6054 2848 同我地進行預訂,方便快捷。




    2.2 租期計算方法


    租車嘅計算方法係以 24小時為計算方式,唔夠 24小時亦會以 1日嚟計算。 週租係以 7日嚟計算,例如由星期二租到星期一,唔夠 1個星期嘅將以日租計算; 月租係以 30日嚟計算,例如由嗰個月嘅 1號租到嗰個月嘅月尾




    2.3 預訂咗嘅車可唔可以改期?


    如果响預訂嘅日期前兩星期改期,你將需要支付港幣$500 嘅改期費用; 如果所租嘅車响你想改嘅期無其他客人預訂的話,可以為你改期。




    2.5 取消條款


    如果你係確認咗訂單之後取消預訂,我地將會收取港幣$500 作爲取消費用。




    3.1 租金


    唔同嘅車款租金都會唔一樣㗎,詳情請以我地網頁入面嘅價格爲準! 如果星期六、日或公衆假期租車,日租將會加收港幣$50-$100。P牌或者未過 25歲,日租亦都需要加收港幣$50-$100。




    3.2 按金


    唔同嘅車款按金都會有所不同㗎,詳情請以我地網頁入面嘅價格爲準!P牌或者未過 25歲,按金將會加收港幣$1,000。




    3.3 按金退還


    還車時我地公司嘅職員會檢查同確認車輛一切正常,我地將會以 FPS/Payme 形式退還按金。若果45日後都無其他問題,將會退還剩餘嘅按金。 你亦可以選擇暫時將按金放係我地公司,以後租車時可以直接使用呢筆按金,仲可以享受我們不定時嘅租車優惠添!




    4.1 若果响租車期間發生違例駕駛應該要點處理?


    如果你响租車期間發生違例駕駛而且收到告票,請係限期内自行繳交罰款。如果需要我地代繳,請係交車時通知我地職員以作記錄,除咗收取所需繳交嘅款項外,將會額外收取每張港幣$50 嘅手續費。




    4.2 處理告票有無時限?


    你需要係收到告票嗰日起 21日内繳交罰款。如果你無响 21天内繳交罰款而導致我地公司收到警方發出嘅欠繳罰款通知書,除咗收取所需繳交嘅罰款之外,將會額外收取每張港幣$100 嘅行政費用。




    4.3 繳交罰款後,仲有無嘢要做?


    當告票處理完成之後,需要將繳費記錄以 WhatsApp 嘅方式提供俾我地公司職員以作為覆核同埋記錄用。




    4.4 溫馨提示!小心駕駛!


    1) 租用人不得以車輛用作從事任何違法活動,亦請你嚴格遵守一切交通法例,按照交通標誌所發出嘅指令、警告,例如方向、限速等指示小心駕駛。 2) 揸車前可以預先用 Apps check 咗路線先。因為好多時導航都會比較慢,有時過咗路口先提示轉向......所以可以考慮吓下載 WAZE 或者高德地圖呢啲 Apps




    2.4 預訂咗嘅車可唔可以延長?


    如果响預訂嘅日期前兩星期延期而所租嘅車响你預訂之後無其他客人預訂嘅話,可以為你延長。





    交收程序

    5.1 攞車要注意嘅嘢


    你本人須携帶身份證、駕駛執照同埋最近三個月嘅地址證明正本到指定嘅地點攞車,攞車時雙方都要確認車嘅狀況係良好同安全,唔會响正常用嘅情況下影響到架車嘅安全操作;任何已知嘅損壞都需要影相作實,確認無問題之後就簽協議同交租金,咁就可以攞車啦!
    你亦都可以選擇預訂送車服務,我地將會收取額外港幣$100-300 不等嘅相關費用。




    5.2 還車時要注意